Fëmijët me nevoja të veçanta, prioritet i yni i përbashkët

Gjilan – Në rrugëtimin tim si kandidate për Kuvendin Komunal të Gjilanit nga PDK, me numrin 6, një nga angazhimet më të thella që mbaj në zemër janë fëmijët me nevoja të veçanta. Këta fëmijë nuk kanë nevojë për mëshirë, por për dashuri, përkrahje dhe mundësi të barabarta ka shkruar Mrika Krasniqi Shala.

Postimi i plotë:

Ata janë pasuria jonë e përbashkët, forca që na mëson çdo ditë durim, guxim dhe mirësinë njerëzore.

Unë besoj se Komuna e Gjilanit duhet të ndërtojë politika konkrete që i japin fund izolimit të tyre dhe familjeve të tyre.

Është koha për:
● Investim në qendra dhe shërbime profesionale për zhvillimin dhe rehabilitimin e tyre.
●Mbështetje financiare dhe psikologjike për prindërit dhe familjet.
● Përfshirje të plotë në arsim dhe aktivitete kulturore e sportive.
●Trajnim të kuadrove profesionale që punojnë me ta, në mënyrë që secili fëmijë të ketë kujdesin që meriton.

Zëri im në Kuvendin Komunal do të jetë zëri i fëmijëve me nevoja të veçanta dhe i familjeve të tyre. Sepse një shoqëri e drejtë matet me kujdesin që i kushton më të ndjeshmëve.

Unë, Mrika Krasniqi Shala – kandidate nga PDK, nr. 6, jam e vendosur që ky vizion të bëhet realitet.

Së bashku mund të ndërtojmë një Gjilan më të drejtë, më të barabartë dhe më njerëzor.