Fëmijët me aftësi të kufizuara shënojnë ditën e tyre

Gjilan – Qendra për trajtimin ditor të fëmijëve me aftësi të kufizuara sot shënoi ditën ndërkombëtare të fëmijëve me aktivitete të ndryshme në kompleksin e “Vali Ranch”. Aktivitetin e fëmijëve e ka përcjellur edhe Qemajl Mustafa, Xhemajl Salihu, Salije Mustafa dhe Bajram Isufi.

Ky aktivitet sipas Xhemajl Salihut drejtor për shëndetësi dhe mirëqenie sociale është mbështetur edhe nga kryetari i komunës Qemajl Mustafa, ku ishin rreth 40 fëmijë me prindërit e tyre dhe stafin e qendrës në Gjilan .

Fëmijët në këtë ngjarje kanë zhvilluar aktivitete të shumta si loja me parashutë, kalërimi , princesha dhe dragoi etj, të gjitha këto në funksion të socializimit të tyre dhe pjesëmarrjes aktive në aktivitete tha Salihu.

Një pjesë të aktivitetit të tyre e ka përcjell edhe kryetari i komunës Qemajl Mustafa , deputetja e kuvendit të Kosovës , Salije Mustafa, drejtori i Ecohigjiena, Bajram Isufi.

Fëmijët pjesëmarrës dhe prindërit e tyre kanë falënderuar kryetarin e komunës dhe drejtorin e shëndetësisë për përkushtimin e tyre të vazhdueshme dhe përkrahjen e pa rezervë rreth projekteve të kësaj kategorie./rajonipress/