Fëmijët kanë dy kërkesa për kryetarin, mbështetjen për solidaritetin dhe rregullim trotuari‏

Gjilan – Kryetari i Komunës, Lutfi Haziri, ka pritur sot një grup të fëmijëve të cilët kishin dy kërkesa, ku njëra kishte të bëjë me mbështetjen e Komunës në aktivitetin bamirës e solidar dhe kërkesa tjetër ishte rregullimi i trotuarit në rrugën “Esat Berisha”.

Në këtë takim fëmijët kanë kërkuar nga kryetari Haziri, sigurimin e një tende, në mënyrë që gjatë ditës së nesërme me datën 24 mars ata të bëjnë shitjen e produkteve të ndryshme ushqimore dhe fitimi nga ky aktivitet do të shkoj për familjet që janë me gjendje të rëndë ekonomike dhe sociale. Kërkesa tjetër ishte për rregullimin e trotuarit për këmbësorët në rrugën “Esat Berisha”.

Me këtë rast kryetari Haziri gjatë këtij takimi ka thënë se do të mbështeten nga Komuna e Gjilanit, edhe ajo e solidarizimit me familjet skamnore por edhe kërkesa për trotuar gjithashtu, ngase sipas kryetarit Hazirit që të dy këto kërkesa kanë qëllim mirëqenien dhe sigurinë e qytetarëve./rajonipress/