Fëmijët Gjerman sjellin dhurata për fëmijët e Kosovës

Gjilan – Lodra, artikuj veshje, mjete shkollore dhe ëmbëlsira që fëmijët kanë marr nga kolegët e tyre nga Gjermania përmes organizatës ADRA.

Përfaqësuesit e organizatës humanitare ADRA, së bashku me përfaqësuesit e komunës së Ranillugut, kanë ndarë pako me dhurata për fëmijët në shkollën fillore, “Trajko Peric” në Ropotovë të Madhe.

Organizata humanitare ADRA, gjegjësisht “Adventisti” janë shumë aktivë për të ndihmuar njerëzit të cilëve ju është kërcënuar mbijetesa. Në përputhje me këtë angazhim, është organizuar organizata internacionale, jokomerciale, mbipartiake, humanitare ndërkombëtare, “Adventist Development and Relief Agency” (ADRA), me qëllim për të ofruar ndihmë për të gjithë njerëzit pa dallim feje, klase, racës apo etnisë.

ADRA operon në më shumë se 200 vende të botës. Në botë kjo organizatë ka ekzistuar për më shumë se 50 vjet kurse në Kosovë që nga viti 1998.

Përfaqësuesi i organizatës, zoti Nikola Aslimovski i shoqëruar edhe nga kryetari i komunës së Ranillugut, Gradimir Mikic, dhe me drejtorin e shkollës fillore “Trajko Peric” , Goran Stamenkoviq ka ndarë pako për nxënësit e shkollës fillore nga klasa e parë deri në klasën e katërt.

Pakot që janë ndarë ose përmbajtja e dhënë është siguruar përmes aksionit “Fëmijët e Gjermanisë për fëmijët e Kosovës.”

Lodra, artikuj veshje, mjete shkollore dhe ëmbëlsira që fëmijët kanë marr nga kolegët e tyre nga Gjermania përmes organizatës ADRA janë gëzuar zemrat e tyre. Z. Mikic dhe zoti Aslimovs janë shprehur të kënaqur me ndihmën e ofruar fëmijëve të kësaj komune./rajonipress/