FC Kosova nga Zurich mysafire në Anamoravë

Gjilan – Njëra ndër skuadrat më të organizuara ne shtetin helvetik ne Zvicër, FC Kosova, te premten do të zbarkon ne qytetin e Gjilanit për ti zhvilluar dy ndeshje miqësore.

Ashtu siç është e ditur, FC Kosova, në radhët e saja gjithmonë ka pasur futbollist të shquar nga Kosova e rajoni, duke arritur rezultate kulminante në futbollin Zvicran.

Siç mësohet të premten Kryetari i qytetit të Gjilanit, Lutfi Haziri, do t’ju bëj pritje vëllazërore futbollistëve të FC Kosova.

Futbollistët e FC Kosovës, ndeshjen e parë do ta zhvillojnë të shtunën me skuadrën e Dardanës nga Dardana, skuadër kjo e Ligës së II të futbollit të Kosovës.
Para këtij takimi siç mësohet futbollistët e FC Kosovës do të jenë mysafirë tek kryetari i Dardanës, Begzad Sinani.

Agjendën tri ditore futbollistët e FC Kosovës do ta përmbyllin të dielën në ndeshjen me Bashkimin e Koretinit, skuadrën e re të Ligës së I të futbollit të Kosovës.

Dy trajnerët e FC Kosovës, Adnan ismajli e Malush Berisha, përmes rrjetit sociale facebook, kanë bërë të ditur.
“Jemi të nderuar me vizitën e skuadrës tonë që do ta bëjmë në shtetin e Kosovës e posaçërisht në rajonin e Anamoravës, është kënaqësi e veçantë t`i zhvillojmë dy ndeshje vëllazërore për t`i nderuar dy skuadrat e Komunës së Dardanës, qëllimi ynë është që nëpërmjet këtyre ndeshjeve futbollistike të kultivojmë frymën vëllazërore, gjithashtu të nderojmë këto dy skuadra por të nderojmë edhe shtetin tonë që sakrifikuam shumë për të pasur këtë liri të cilën ne sot po e gëzojmë së bashku me vëllezërit tanë në Kosovë”.

Siç paralajmërohet dy ndeshjet futbollistike do të zhvillohen në stadiumin e Dardanës në Dardanë, ndërsa pritet një interesim i veçantë i shikuesve në Dardanë./sylejman ismajli/rajonipress/