FC Drita nënshkruan me Almir Ajzerajn

FC Drita ka zyrtarizuar transferimin e tretë në afatin kalimtar të janarit.

Pas transferimeve të Astrit Fazliun dhe Kastriot Rexhën, ish-kampionët e vendit kanë arritur marrëveshje edhe me sulmuesin e talentuar Almir Ajzeraj.

Almir Ajzeraj ka ‘firmosur’ për dy vite e gjysmë me FC Dritën teksa lajmi u zyrtarizua nga faqja zyrtare e klubit në rrjetin social “Facebook”.

Ajzeraj së fundmi ishte pjesë e Skënderbeut të Korçës, ndërsa më parë ishte gjithashtu pjesë e klubeve kosovare si Flamurtari dhe Ballkani.