FC “Drita”, nënshkruan kontratë me “diamantin” e saj Yll Ibrahimi

“Bardhekaltërtit” e Dritës sot në zyret e saja kanë nënshkruar kontratë katër vjeçare me njërin ndër futbollistët më të talentuar në futbollin e Kosovës me mbrojtësin e majtë, Yll Ibrahimi. Ibrahimi që nga fillimi i karrierës së tij ka kaluar të gjitha kategoritë në FC Drita duke treguar se ka një talent të madh në lojën e futbollit.

Majtaku i Dritës i cili mbi supet e tij ka 18 vite e disa muaj njiherit ishte edhe futbollist standard i Kombëtares së Kosovës U19, ndërsa tani e një kohë të gjatë Ibrahimi ishte pjesë e rregullt e ushtrimeve me skuadrën e parë të Dritës. Lidhur me nënshkrimin e kontratës së parë profesionale, talenti Ibrahimi ka theksuar.

“Që nga fëmijëria jam pjesë e Dritës, kam kaluar të gjitha kategoritë në klubin e Dritës, jam shumë i lumtur që do të jem pjesë e skuadrës së parë dhe tani kemi një kontratë profesionale, është kjo një ëndërr e imja që nga fillimi i karrierës që të jem pjesë e klubit të Dritës”.

Mbrojtësi i majtë, Yll Ibrahimi, ka bërë të ditur se ky do të jetë vetëm fillimi i karrierës së tij në botën e futbollit profesionist. “ I falënderohem stafit të klubit, trajnerit dhe të gjithë atyre që kanë pasur besim në mua,do të jap gjithmonë më të mirën që di dhe mundem për të mirën e klubit, nuk do të ndalem në asnjë moment që klubit të Dritës ti ofroj maksimumin tim për rezultate pozitive, ndërsa tifozëve “Intelektualëve”, ju premtoj se do te jem pjesë e tyre për të mirë e për të keq, dhe urojë që me paraqitjet e mija në fanellën “bardhe kaltër” ti bëjë krenar”, ka theksuar futbollisti, Yll Ibrahimi./rajonipress/

Shpërndaje.
© RAJONIPRESS