FC “Drita”, nënshkruan kontrata profesionale me dy talentë

Gjilan – FC Drita ka njoftuar se sot ka nënshkruar kontratë profesionale me dy talent nga akademia e tyre, Yll Ibrahimi dhe Dienit Isufi.

Marrëveshja e arritur është nënshkruar në prani të Drejtorit Sportiv, Valon Zymberi, i cili ju dëshiroj futbollistëve shëndet dhe suksese në fillimin e një rrugëtimi të gjatë profesional.

Talentët e rinj ishin pjesë e ekipit të parë të Dritës për disa muaj dhe me potencialin e përkushtimin e tyre bindën stafin e trajnerëve të fitojnë kontrata afatgjata me klubin tonë. Yll Ibrahimi, mbrojtës i majtë dhe Dienit Isufi, mesfushor qendror janë produkt i shkollës së futbollit Drita, ku edhe nisën ëndrrën e tyre si futbollist./rajonipress/