FC Drita nënshkruan kontrata profesionale me dy talentë të klubit

Gjilan – FC Drita ka njoftuar se ka nënshkruar kontrata profesionale me dy futbollistët e rinj nga akademia e klubit, Eron Isufi dhe Eridon Maloku.

Marrëveshja u nënshkrua në prani të Drejtorit Sportiv Valon Zymberi, i cili ju dëshiroi futbollistëve shëndet dhe suksese në fillimin e një rrugëtimi të gjatë profesional.

Talentët e rinj ishin pjesë e ekipit të parë të Dritës për disa muaj dhe me potencialin e përkushtimin e tyre bindën stafin e trajnerëve të fitojnë kontrata afatgjata me klubin tonë.

Eron Isufi, portier dhe Eridon Maloku, sulmues qendror janë produkt i shkollës së futbollit Drita, ku edhe nisën ëndrrën e tyre si futbollist./rajonipress/