Fatmir Matoshi i hynë garës për deputet

Gjilan – Unë aktualisht po e kryej detyrën time si nënkryetar komune në Kamenicë, por me kërkesën e AKR-së dhe Presidentit Pacolli do të garojë në zgjedhjet e 8 qershorit dhe sigurisht se do të jem njëri nga dy deputetët e zgjedhur përmes AKR-së në Kuvendin e Kosovës tha Fatmir Matoshi për rajonipress.

Dega e AKR-së në Kamenicë ka filluar javë më parë përgatitjet për zgjedhjet nacionale të këtij viti, raporton rajonipress.

Kryetari i Degës Fatmir Matoshi tha për rajonipress se pavarësisht faktit se si parti politike kemi kundërshtuar mbajtjen e zgjedhjeve pa përfunduar reforma zgjedhore, ne duke qenë në vit elektoral kemi themeluar një grup që do të jetë bartës i procesit të fushatës elektorale i cili kryesohet nga Kryetari i Degës, nënkryetarët, sekretari i përgjithshëm, kryetarja e FG të AKR-së dhe poashtu në ekip e kemi caktuar edhe bashkëvendësin tonë Besim Rexhepajn një mbështetës dhe mik i madh i AKR-së.

“AKR në këto zgjedhje hyn shumë e përgatitur dhe me synime të qarta. Kemi pasur shumë aderime kohëve të fundit dhe po e përforcojmë strukturën tonë përditë. Qytetarët e Kamenicës sikurse edhe ata të Gjilanit dhe Anamoravës në përgjithësi votën e tyre do ta vënë në shërbim të zhvillimit të kësaj pjese të Kosovës, sepse është tashmë i njohur programi ekonomik i AKR-së dhe ideja e Presidentit Pacolli për autostradën në Dheun e bardhë e cila kërkon mbështetje me votë dhe do ta ketë patjetër me 8 qershor” thotë Matoshi.

Matoshi tha se Anamorava ka votuar në të gjitha zgjedhjet për të dërguar në Kuvendin e Kosovës deputet të rajoneve tjera të Kosovës dhe si pasojë e kësaj kjo pjesë e Kosovës ka mbetur më e pazhvilluara, andaj këtë radhë do të ketë mobilizim të gjithë qytetarëve që votat t`ë shërbejnë për zhvillimin e rajonit tonë njëjtë sikurse pjesët e tjera të Kosovës.

“Unë aktualisht po e kryej detyrën time si nënkryetar komune në Kamenicë, por me kërkesën e AKR-së dhe Presidentit Pacolli do të garojë në zgjedhjet e 8 qershorit dhe sigurisht se do të jem njëri nga dy deputetët e zgjedhur përmes AKR-së në Kuvendin e Kosovës” tha Matoshi. /rajonipress/