Fatmir Matoshi emërohet zyrtarisht nënkryetar i Kamenicës

Kamenicë – Dega e AKR-së në Kamenicë nga sot ka filluar jetësimin e marrëveshjes për bashkëqeverisje me PDK-në në Kamenicë. Në seancën e sotme të Kuvendit Komunal Kryetari i Komunës Begzad Sinani ka bërë publik vendimin për emërimin e nënkryetarit të komunës dhe drejtorëve që vijnë nga radhët e AKR-së.

Fatmir Matoshi kryetar i degës së AKR-së dhe tani nënkryetar komune tha për rajonipress se në bazë të propozimit të degës së AKR-së nënkryetar i komunës është emëruar, Fatmir Matoshi, kryetar i degës, ndërsa të emëruarit e tjerë janë: Valon Maliqi – Drejtor i Administratës së Përgjithshme (Jurist i Diplomuar), Aishe Morina – Drejtor i Shëndetësisë dhe Mirëqenies sociale (Stomatologe), Faik Rexhepaj, Drejtor për Mbrojtje dhe Shpëtim (Teknik i Bujqësisë) dhe Fatmir Krasniqi, Drejtor për Ekonomi, Zhvillim dhe Diasporë (Jurist i Diplomuar).

“Angazhimi i AKR-së në qeverisjen komunale do të jetë i sinqertë dhe vetëm për interesa të qytetarëve të Kamenicës, kemi marrë përgjegjësi dhe obligime që të punojmë për të përmirësuar kushtet e jetesës për qytetarët e Kamenicës dhe angazhimi ynë në këtë drejtim do të jetë maksimal” ka thënë nënkryetari i Komunës së Kamenicës Fatmir Matoshi./rajonipress/