Fatmir Limaj: Privatizimi ishte plaçkë, duhet të hetohet

Deputeti i PDK-së Fatmir Limaj ka thënë se privatizimi në Kosovë duhet të hetohet nga një komision hetimor në Kuvendin e Kosovës.

Limaj, që po ashtu ishte Ministër i Transportit, tha se duhet vullnet politik për ta zgjidhur këtë problem. “Pasuria e popullit nuk është privatizuar, por është plaçkitur. Të nderuar koleg për ta zgjidhur këtë problem duhet të kemi vullnet politik, dhe unë dyshoj se do të mbetet vetëm diskutim kjo cështje”, tha Limaj.

Ai po ashtu iu bëri thirrje deputetëve se një komision hetimor do të duhej ta hetonte komplet privatizimin me spin of special.
“Unë jam për atë që të fillohet dhe të trajtohen të gjitha privatizimet me spin of të shihet se a janë përmbushur ato premtime dhe mbi bazën e asaj ta mbyllin kapitullin e shumë përfolur të privatizimit. Unë pajtohem që të bëhet një komision hetues, jo për një privatizim, por për të gjitha privatizimet. Për ta mbyllur mirë këtë çështje duhet të gjitha privatizimet me spin of të shikohen dhe të dihen detajet, transmeton standardi.net.

Ndërtimi i një komisioni hetimor pastaj vetë komisioni do të vlerësonte se a ka nevojë për një hetim dhe i bien rekomandimet parlamentit të Kosovës. Sot ne nuk duhet të kërkojmë asgjë tjetër, vetëm një komision hetimor, dhe jo vetëm fabrikën e gypave, por edhe Sharrcemin edhe Ferroniklin. Duhet të futet komplet rishikimi, të gjitha ata që e kanë përmbushur kontratën vazhdojnë punën, ata që se kanë përmbushur kontratën duhet t’iu tërhiqet ndërmarrja dhe të kthehet në pikën zero”, tha Limaj.