Fatmir Limaj: Përfundoi koha kur merreshin vendime për Kosovën në interesa personale

Kryetari i NISMA për Kosovën, Fatmir Limaj duke ju drejtuar qeverisë, pretendon që koha kur merreshin vendime për Kosovën në bazë të interesave personale ka përfunduar.

Ky është postimi i Limajt i plotë:

Koha me vendos dhe me e fut në detyrime Kosovën për interesa personale ka përfunduar !!!

Drejtuesit e këtij regjimi për përfitime dhe për tentim të përmirësimit të imazhit personal, tash e një kohë Kosovës po i sjellin marrëveshje të dëmshme, dhe në kundërshtim me interesat e vendit Kosovën po e fusin në obligime të dëmshme ndërkombëtare, vetëm për përfitime personale duke rrënuar kredibilitetin e shtetit.

Drejtuesit e këtij regjimi duhet ta dinë se për momentin mund t’ju duket se po ia arrijnë qëllimeve të tyre personale duke u promovuar në kurriz të interesave të shtetit, por do ta shohin në fund se nuk do t’ja arrijnë, ata nuk do të munden as ta përmirësojnë imazhin e tyre personal, e as nuk do munden ti ikin përgjegjësisë.