Fatlind Hajrullahu shpallet kampion ballkanik në disiplinën Braziliane Jiu-Jitsu

Oficeri policor nga Gjilani, Fatlind Hajrullahu është shpallur kampion ballkanik në disiplinën Braziliane Jiu-Jitsu Në turneun i cili është mbajtur në Shkup me datën 22.05.2022, morën pjesë mbi 200 garues nga vendet si Kosova, Shqipëria, Serbia, Mali i Zi, Maqedonia, Greqia, Turkia, Rumania, Italia si dhe Polonia e shumë vende të ndryshme nga e gjithë bota.

Ky turne është mbajtur nën patronatin e ADCC, Federatë Botërore, e cila merret me organizimin e garave ndërkombëtare në disiplinën Braziliane Jiu-Jitsu. Oficeri Policor nga Gjilani, Fatlin Hajrullahu, ishte pjesëmarrës në kategorinë -76 kilogram, ku pas tri luftërave, Hajrullahu është shpallur kampion ballkanik. Oficeri gjilanas ishte i pa konkurentë në kategorinë e tij, ku në fund është shpërblyer me medaljen e artë. Në tri luftërat të cilat i zhvilloi Fatlind Hajrullahu, ka arritur ti përfundoj më submission( nënshtrim të kundërshtarit)./rajonipress/