Fatlind Azizi e Valdrin Alidema dy “galaktikët” në futbollin e Turqisë

Gjilan – Skuadra e ligës së Dytë në futbollin e Kosovës, KF Galaksia, nga Gjilani është bërë skuadër e talenteve në futbollin e Kosovës. Nga kjo skuadër shumë talent të futbollit po sprovohen nëpër klube të ndryshme të futbollit evropian, çka dëshmon se trajneri i kësaj skuadre Jetullah Arifi, i cili posedon Licencën A të trajnerit po bën një punë shumë profesionale me futbollistët e kësaj skuadre

Ndër talentët e rrallë të kësaj skuadre janë edhe dy futbollist tani të dëshmuar në futbollin e Turqisë, Fatlind Azizi mesfushori i kësaj skuadre dhe Valdrin Alidema sulmues mjaft i spikatur.

Mesfushori Azizi tani e tri vite rregullisht është pjesë e sprovave në skuadrën turke Bursaspor.

Azizi i cili luan me dy këmbë njeherit ishte edhe kapiten i grup moshave 2000-2001 në KF Galaksia, duke u shpallur edhe kampion Regjional me grup moshat e kadetëve 2000-2001 në edicionin e garave 2016-2017.

17-të vjeqari Azizi, i cili nga muaji Maj i këtij viti gjendet tek skuadra Bursaspor ka deklaruar.
“Është privilegj që gjendem në këtë mes, është një skuadër shumë profesionale ku ju kushtohet rëndësi e madhe talentëve të futbollit, unë shumë shpejt pritet të nënshkruaj me këtë gjigant futbollistik, edhe pse jam ende 17-të vjeqar unë do t’ju bashkëngjitëm grup moshave U19, gjithçka do të konfirmohet për pak ditë”.

Rrugës së bashkëlojtarit Fatlind Azizi është duke shkuar edhe sulmuesi i cili premton shumë Valdrin Alidema.

Për sulmuesin Alidema është hera e tretë që gjendet tek skuadra Bursaspor, këtë futbollist e karakterizon shpejtësia të cilin e posedon dhe manovrimin të cilin e ka me top, ai i ka kryer të gjitha grup moshat tek KF Galaksia.

“Gjatë dy viteve më herët isha në sprova tek skuadra Bursaspor e Turqisë. ata janë shumë të kënaqur me mua ndërsa tani për një vit do të jem pjesë e tyre dhe do të jem pjesë e këtij klubi me renome jo vetëm në futbollin e Turqisë, por edhe atij Evropian. Do të jap gjithçka nga vetja të dëshmoj se edhe në Kosovë punohet dhe ka talenta të mëdhenj”, ka bërë të ditur Valdrin Alidema.

Për trajnerin e KF Galaksia, Jetullah Arifi, shkuarja e këtyre dy futbollistëve nga klubi i Galaksisë është një krenari e veçantë.
“Jam shumë i lumtur që këta dy talent të mëdhenj pikërisht nga klubi ynë po dalin në arenën ndërkombëtare, ata po promovojnë jo vetëm klubin tonë por në përgjithësi futbollin e Kosovës, unë këtyre dy talenteve të cilët nga mosha 9 vjeçare kanë qenë pjesë e skuadrës Galaksia ju dëshiroj të gjitha të mirat në karrierën e tyre futbollistike”./rajonipress/