Fati i PTK-së vuloset sot

Koalicioni qeverisës sërish ka dështuar t’i bëjë 61 deputetë për të miratuar shitjen e 75 % të aksioneve në PTK. Për dallim nga herët e tjera, të enjten partnerët qeverisës kanë provuar që në njëfarë forme ta bindin opozitën për të qëndruar në sallë, duke hequr dorë nga amendamenti që e kishin futur në buxhet.

Paraprakisht ata pasi e hoqën këtë amendament nga rendi i ditës futen edhe votimin e raportit të Komisionit Ndërqeveritar për shitjen kësaj ndërmarrje, por buxheti kaloi ndërsa raporti nuk u votua në mungesë të deputetëve duke e kthyer shitjen e PTK-së në pikën zero edhe pas tre vjetësh përpjekje për ta privatizuar këtë ndërmarrje.

Në momentin që kryeparlamentari Jakup Krasniqi futi në votim raportin e komisionit, tri partitë opozitare LDK, AAK dhe Vetëvendosje lëshuan seancën duke lënë vetëm 54 deputetët të koalicionit qeverisës, gjë që nuk krijonte kushte për votim. Sidoqoftë këtë situatë më së miri e shfrytëzoi deputeti Fatmir Limaj, i cili pas një kohe të gjatë doli në foltore. Ai foli për situatën e krijuar në Kuvend rreth PTK-së derisa për këtë gjendje e akuzoi drejtpërdrejt Komisionin Ndërministror…(Tribuna).