Fati i Muriqit dihet brenda dy ditëve

Sulmuesi kosovar Vedat Muriqi brenda kësaj jave pritet të kalojë në Superligën turke.Sulmuesi 194 centimetra i gjatë i Giresunsporit, Vedat Muriqi, pritet që të mësojë fatin e tij brenda dy ditëve të ardhshme.

Kështu së paku ka shkruar njoftimi i ekipit të Konyasporit sot, që ka bërë të ditur se lëviz e ekipit në fjalë pritet t’i lë ‘pa bukë’ dy gjigantët nga Stambolli, Galatasaray dhe Fenerbahçe.

“Ne i kemi dhënë ofertën më të mirë ekipit të Giresunsporit (ekipi ku luan aktualisht Muriqi), duke ofruar para dhe lojtar. Ne i kemi dhënë si huazim pa kurrëfarë obligimi financiar Giresunsporit lojtarin tonë Vedat Bora dhe kjo është një letër e fortë që anon kah ekipi ynë”.

“Sidoqoftë transferi do të qartësohet brenda dy ditëve të ardhshme,” ka bërë të ditur njoftimi i klubit nga Konya.

Konyaspor drejtohet nga ish lojtari dhe trajneri i Fenerbahçes, Aykut Kocaman.