Fat i keq për Lenjanin, sërish lëndohet

Ermir Lenjani nuk e ka nisur siç është më së miri aventurën e tij në Francë.Ylli i Kombëtares së Shqipërisë është pritur të luaj nga minuta e parë në takimin e vlefshëm për Kupën e Francës me skuadrën e tij Rennes ndaj Reims, por ka pësuar një lëndim, transmeton Telegrafi.

Mesfushori 25-vjeçar ka deklaruar për Telegrafin, se gjatë seancës stërvitore ka pësuar një lëndim në muskulin e këmbës së majtë.

“Kam pësuar një lëndim në muskul, dhe kjo ka bërë që mos të luaj ndaj Reims. Më vije keq që nuk mund të luaj, por kështu e paska futbolli dhe vijnë lëndimet”, deklaroi Lenjani për Telegrafin.

Djaloshi nga Karaçeva e Kamenicës, ka deklaruar se në mbrëmje do t’i bëjë edhe kontrollimet mjekësore për të parë se sa do të mbetet jashtë fushave.

Lenjani u transferua në Rennes gjatë këtij afati kalimtar të janarit nga skuadra zvicerane St Gallen. /Telegrafi/