Hidromorava

Familjarin e dëshmorit e ngushëllojnë tërë populli, por jo edhe komuna e Gjilanit

/ 3 minuta lexim

Gjilan – Familja e Hajrush Behlulit që u nda nga jeta para pak ditësh është indinjuar pasiqë askush nga institucionet komunale nuk e ka parë të udhës të paktën ta dërgojnë një telegram ngushëllimi. Dëshmorët nuk kanë parti, dëshmorët janë të popullit janë të Republikës së Kosovës nderimi i familjes është nderim i dëshmorit ka shkruar i revoltuar Agron Murseli.

Hajrush Behluli i cili vdiq para pak ditësh ishte vëllau i Mehmetali Behlulit dëshmor i kombit. Pothuajse për të ngushëlluar familjen Behluli ishin nga të gjitha trojet shqiptare, por ky rast nuk u ka bërë përshtypje organeve komunale të Gjilanit, anipse ata lëshojnë telegrame për lloj lloj individësh.

Hidromorava

Agron Murseli i afërm i familjes ka bërë dy reagime që i dedikohen pikërisht papërgjegjësisë së komunës. “Faleminderit që na ngushëlluat se si familjar të dëshmorit Mehmetali Behlulit ju falënderojmë për ngushëllime ju, miq, dashamir, bashkëfshatar, bashkëqytetar e në veçanti ju bashkëluftëtar të Mehmetaliut që nga skaji i Kosovës Hasi i Prizerenit na vizituat, dhe ju subjekte politike, deputet, kryetar të degëve dhe nëndegëve, asambleist dhe gjithë ju aktivist, qytetar të Republikës së Kosovës. Nderin që ja bëtë familjes së dëshmorit e nderuat edhe dëshmorin Mehmetali Behlulin, sepse për atë thuhet dëshmorët nuk vdesin, sepse në këtë mënyrë i kujtojmë” ka shkruar Agron Murseli në statusin e parë, kurse më vonë flet për injorancën e institucioneve komunale. “Duhet të kontribuosh në një parti për tu ngushëlluar. Familje kontribuuese e shtetit duhesh të jesh e një partie që t`i dëshiron apo ty të shkon për shtati…
Familja e dëshmorit s’do të thotë kontribuues shteti, por kontribuues familjar apo rrethi…
Thotë një fjalë e popullit””Ç`’farë shihet kallauz nuk do”. Duke i përcjell ç’do dit portalet shohim që disa familje që ndoshta i kanë kontribuar një partie, apo thjesht ka qenë aty ngushëllohen nga i pari i komunës, dhe në anën tjetër një familje e dëshmorit nuk ngushëllohet për familjarin as edhe nga më e ulëta shtresë komunale e leje më të i shkoj mendja kryetarit të Komunës. Ai që në ditët më të vështira u drejtuar në radhët e UÇK e bëri për të gjithë ne, që një dit që ta nderojmë familjen për t`i nderuar ata që e dhanë më të shtrenjtën jetë. Dëshmorët nuk kanë parti, dëshmorët janë të popullit janë të Republikës së Kosovës dhe nderimi i familjes është nderim i dëshmorit” ka shkruar Agron Murseli./rajonipress/