Mobi Casa

Familja Zeka kërkon ndihmë nga Zvicra dhe Gjermania për zbardhjen e rastit

/ 2 minuta lexim

Gjilan – Në emër të familjes Shaip Zeka ka shkruar dhjetëra letra ku ka kërkuar publikisht nga autoritetet e Zvicrës ku edhe ka qenë i strehuar politikisht Kadri Zeka dhe nga autoritetet gjermane, ku edhe është vrarë informata të sakta mbi aktivitetin dhe rrethanat e vrasjes së Kadriut.

Familja e Kadri Zekës ndonëse ka kaluar një kohë e gjatë nga vrasja e tij (17.01.1982), ajo ende nuk ndihet rehat , meqë akoma nuk ka marrë një përgjigje të saktë as nga autoritetet e Zvicrës e as nga ata të Gjermanisë.

Shaip Zeka në emër të familjes tanimë ka bërë publike ftesën dhe kërkesën e tij drejtuar autoriteteve zvicerane, gjermane por edhe miqve e shokëve të Kadriut që të sjellin informacione të sakta e të mirëfillta mbi aktivitetin dhe rrethanat e vrasjes së Kadriut.

Mobi Casa

“Ftojmë të gjithë dëshmitarët dhe ata që kanë bashkëpunuar me vëllain tim Kadri Zekën, që të na sjellin informata për aktivitetin e tij, por edhe për rrethanat e vrasjes së tij. Nëse dikush e lexon këtë material kërkoj nga autoritetet zvicerane, ku dhe ka qenë i strehuar politik, por edhe nga autoritetet gjermane ku është vrarë vëllai im, që tanimë të dalin me një informatë të mirëfilltë për vrasjen e vëllait tim Kadri Zeka sepse me përgjigjet e deritashme nuk jam i kënaqur” shkruan në letrën e tij publike Shaip Zeka .

Zeka tutje shkruan se “Atë që vëllai im e ka kërkuar në atë kohë ne po e gëzojmë sot. Nëse shokët nga Kambogja që shihen në foto janë dikund le të lajmërohen. U jemi mirënjohës të gjithë atyre që na sjellin ndonjë informatë apo gjësende të tij. Me respekt dhe mirëkuptim për të gjithë ata që na ofrojnë ndihmë, familja e Kadri Zekës”thuhet në letër .

Në fakt në ftesën publike Shaip Zeka ka paraqitur të gjitha shkresat zyrtare të komunikimit me autoritetet e Zvicrës , letra të rëndësishme dhe përgjigje zyrtare që ka marrë nga ambasadat dhe autoritetet e Zvicrës, por që deri tani Shaip Zeka ka thënë se është i pakënaqur me përgjigjet e kërkuara./rajonipress/