Familja Sherifi falënderon KF “Dritën” dhe qytetarët e Gjilanit

Gjilan – Java e 28 të Superligës në futboll në mes Dritës dhe Ferizajit për pak sa nuk kaloi në një moment tragjik, pasi tifozi i Dritës i mituri Birand Sherif bie nga ndërtesa afër stadiumit. Në ato momente të gjithë në stadium kishin mbetur të shtangur për fatin e këtij të riu, por edhe njëherë Shërbimi Policor i Gjilanit ka intervenuar së bashku me ndihmën e shpejt duke ju dhënë ndihma tifozit të Dritës, Birand Sherif.

Djaloshi i ri ka marrë vetën dhe është duke u shëruar në shtëpi dhe nuk ka lëndime serioze, Birandi i cili është i dashuruar pas lojës së futbollit e në veçanti e simpatizon KF Dritën i emocionuar pas 5 ditësh nga aksidenti për herë të parë ka theksuar.
“Ishte një moment shumë i rëndë, por fati ishte në anën time kësaj radhe, nga zemra e falënderoj Policinë e Gjilanit i cili shumë shpejt ka intervenuar e njëashtu edhe mjekët, një falënderim të posaçëm kam edhe për presidentin e klubit të Dritës, Valon Murselin, i cili është interesuar për shëndetin tim, tifozët e klubit “Intelektualët” vazhdimisht më kanë përkrahur njëashtu edhe qytetarët e Gjilanit dhe uroj që skena të tilla të mos përsëriten asnjëherë më”.

Babai i Birandit, i cili është pjesëtar i Policisë në Gjilan, Dogan Sherif, i emocionuar ka theksuar. “Me të marr lajmin kemi qenë të shokuar, por gjithmonë shokët e mirë gjenden në momente të vështira, nga zemra i falënderohem të gjithë atyre që kanë kontribuar për shëndetin e djalit tim i cili tani po e merr vetën, është një gjest shumë i madhë i presidentit të klubit të Dritës ,Valon Murselit, i cili pas rrëzimit të djalit tim ka vendosur që fëmijët nën moshën 16 vjeçare të mos paguajnë biletë për ndeshjet e Dritës” tha Dogan./sylejman ismajli/rajonipress/