Familja Rama nga Svirca bëhet me shtëpi

Medvegjë – Familja 7 anëtarësh, nga Svirca e Medvegjës, së shpejti do të ketë shtëpi të re. Kjo pasi që Shoqata Humanitare,,ILIRIA’’ me seli në Vien të Austrisë tani më ka bërë zgjidhjen për këtë familje të kthyer në vatrën e tyre para tri viteve.

“Pasi që këtë familje e pamë në dokumentarin “Te molla e kuqe – pjesa 5” ne morëm vendim për të ndërtuar shtëpi për këtë familje, por ne gjetëm një shtëpi të ndërtuar me 1.100 m2 Tokë.

Ndaj kryesia e shoqatës vendosi të blej këtë shtëpi. “Unë kam marr pushimet për të rinovuar shtëpinë ndërsa familjes Rama do të ja dorëzojmë çelësat e shtëpisë për festën e Kurban Bajramit’’ ka bërë të ditur për medvegja.net Dul Krasniqi i cili po ashtu është nga Svirca, arkëtar i Shoqatës,,ILIRIA’’ në Austri.

Vlen të theksohet se familja Rama është kthyer në Svircë nga Prishtina para tri viteve dhe jeton në kushte të vështira ekonomike /medvegja.net/