Familja kosovare dëbohet me dhunë nga Gjermania

Me ndërhyrjen e policisë gjermane deportohet një familje agresive për në Kosovë.

Zyrtarët e qytetit të Mülheim-it në orët e para të ditës së martë janë detyruar të kërkojnë ndihmën e policisë për të deportuar me forcë një familje për në Kosovë.

Familje G, shtatanëtarëshe e cila jetonte së fundmi në Friedrich-Ebert-Straße në Mülheim dhe të cilës i ishte refuzuar kërkesa për azil, sipas zëdhënësit të qytetit Volker Wiebels gjatë deportimit ka pasur sjellje agresive.

“Është dashur edhe ndërhyrja e policisë për të bërë deportimin e familjes deri në aeroportin e Düsseldorf-it”, ka thënë ai, shkruan “waz”, transmeton “albinfo.ch”.

Siç raportohej nga zyrtaret e qytetit, edhe fqinjët e tyre kishin hasur disa herë në mosmarrëveshje me këtë familje. “Edhe refugjatët tjerë kanë vuajtur prej tyre”, ka thënë Wiebels.

Më tej ka shtuar ai se familja ka qenë e veçuar për sjelljet e tyre jo të mira në mesin e refugjatëve të shumtë në këtë qytet.