Familja e Blend Selmanit falënderon të gjithë qytetarët dhe institucionet e Kosovës

Gjilan – Familja e Blend Selmanit i cili humbi jetën tragjikisht në Durrës përmes rajonipressit kanë falënderuar të gjitha institucionet komunale dhe qendrore dhe të gjithë qytetarët anembanë Kosovës që në ditët më të rënda u gjendën pranë tyre me ngushëllime e solidarizim.

Familja e Blend Selmanit ka shprehur falënderimet publike përmes rajonipressit të gjithë ata qytetar e institucione që në forma të ndryshme morën pjesën në ceremoninë e varrimit të djalit të tyre i cili humbi jetën tragjikisht në Durrës.

Në letrën falënderuese të familjes Selmani thuhet: “Me rastin e humbjes të jetës tragjikisht gjatë ekskursionit në Durrës, të anëtarit tonë të familjes Blend Selmani nga Gjilani, ne familjaret shprehim falënderimet për gjitha institucionet e Komunës së Gjilanit e më gjerë të Republikës së Kosovës, qytetarëve, farefisit dhe miqve të cilët morën pjesë në ceremoninë e varrimit dhe na ngushëlluan duke u solidarizuar me dhembjen tonë familjare”./rajonipress/