Falsifikimet e dokumenteve dhe vjedhjet e rënda aktakuza të ngritura nga Prokuroria e Gjilanit

Gjilan – Prokuroria Themelore në Gjilan, gjatë 24 orëve të fundit ka ndaluar një (1) person të dyshuar dhe ka ngritur katër (4) aktakuza kundër katër (4) personave për vepra të ndryshme penale.

Prokuroria Themelore në Gjilan: Ndalimet e personave me urdhër të prokurorit: Me urdhër të prokurorit është ndaluar për 48 orë, një (1) person, për shkak të veprës penale “Ngacmimi”.

Aktakuzat: Prokuroria Themelore në Gjilan, ka ngritur katër (4) aktakuza kundër katër (4) personave dhe atë për shkak të veprave penale:

Një (1) aktakuzë kundër një (1) personi për shkak të veprës penale “Vjedhje e rëndë”,
Një (1) aktakuzë kundër një (1) personi për shkak të veprës penale “Rastet e posaçme të falsifikimit të dokumenteve“,

Dy (2) aktakuza kundër (2) personave, për shkak të veprës penale “Vjedhje e shërbimeve”

Prokuroria Themelore në Gjilan: Kërkesat për caktimin e paraburgimit (apo masa tjera): Prokuroria Themelore në Gjilan, ka paraqitur një (1) kërkesë për caktimin e masës së arrestit shtëpiak për një (1) person, për shkak të veprës penale “Ngacmimi”./rajonipress/