Falja e Fitër Bajramit bëhet në qendër të qytetit

Gjilan – Mustafë Bajrami kryetar i Bashkësisë Islame tha se këtë vit falja e Fitër Bajramit bëhet në ambient të hapur tek platoja e teatrit të qytetit.

Falja e Fitër Bajramit këtë të diele sivjet ndryshon për dallim nga vitet e tjera. Bashkësia Islame dega në Gjilan ka vendosur që sivjet falja e Fitër Bajramit të bëhet para teatrit të qytetit.

Mustafë Bajrami kryetar i Bashkësisë Islame tha për rajonipress se ky hap është ndërmarrë për të dëshmuar se jemi së bashku për të festuar në hapësirë publike ku kanë mundësi të gjithë të jenë pjesë e ceremonisë madhështore.

Bajrami tha se tashmë është marrë edhe leja nga policia meqë pritet të bllokohet tërë qendra e qytetit. Sipas Bajramit të gjitha xhamit të dielën mbyllen dhe imamët dhe xhemati duhet të orientohen drejtë qendrës së qytetit.

Bajrami ka përgëzuar të gjithë besimtarët myslimanë kudo që ndodhën për Festën e Fitër Bajramit me urimet më të mira për një jetë më të begatshme dhe më paqësore./rajonipress/