Fakulteti i Edukimit “Kadri Zeka”, plotësohet edhe me një kuadër deficitar

Gjilan – Mensur Neziri është doktor i shkencave pedagogjike, mësimdhënës në Fakultetin e Edukimit në Universitetin “Kadri Zeka” – Gjilan. Ka kryer dhe kryen funksione me përgjegjësi në Ministrinë e Arsimit, Shkencës dhe Teknologjisë, është anëtar i komisioneve/bordeve profesionale vendore dhe asociacioneve ndërkombëtare që veprojnë në Kosovë. Fusha e tij e ngushtë profesionale është Kurrikula, Teoria e mësimit, Pedagogji e edukimit, Edukimi inkluziv, lëndë të cilat i mban në Fakultetin e Edukimit në Universitetin “Kadri Zeka” dhe fakultete të tjera.

Është autor dhe bashkautor i një numri të konsiderueshëm të librave, artikujve, punimeve shkencore e profesionale në vend dhe jashtë tij, si: Shqipëri, Belgjikë, Finlandë, Norvegji, etj.

Ka marrë pjesë në dhjetëra konferenca kombëtare e ndërkombëtare. Është trajner i certifikuar për metodologji ndërvepruese të mësimdhënies e aspekte tjera të edukimit dhe ka zhvilluar një mori trajnimesh me mësimdhënës të të gjitha niveleve të arsimit ka shkruar, Sefedin Rahimi, asistent në Fakultetin e Edukimit në Prishtinë./rajonipress/