Fajon: Deklarata e Ramës për bashkimin kombëtar, e papranueshme

Gjatë mbledhjes së Komisionit të Jashtëm të Parlamentit Europian, ku po diskutohej raporti i Knut Fleckenstein-it për Shqipërinë, është diskutuar edhe mbi deklaratat e kryeministrit Edi Rama për bashkimin klasik të Shqipërisë me Kosovën.

Raportuesi për Serbinë në Parlamentin Evropian, David McAllister, ka ngritur shqetësimin për këto deklarata dhe ka kërkuar ndërhyrjen e vetë Knut Fleckenstein-it që të mos e lejojë kryeministrin e Shqipërisë të përsërisë deklarata të tilla.

Të njëjtin qëndrim ka mbajtur edhe Tanja Fajon, e cila u shpreh se deklaratat e bëra nga kryeministri shqiptar, Edi Rama, janë të papranueshme për BE-në.

“Shpresoj që Shqipëria të nisë sa më shpejt negociatat për BE. Sa u përket deklaratave të kryeministrit Rama për Kosovën, nuk janë deklarata shumë të mira, dhe nga ana tjetër janë të papranueshme duke ju referuar fjalës së përdorur nga kryeministri Rama “Shqipëri e Madhe””, u shpreh Fajon.