‘Fajdegjinjtë’ s’mund të shndërrohen në banka

Gëzimi se do të mund të përfitojnë në emër të Organizatave Joqeveritare (OJQ), nuk u zgjati shumë. Institucionet Mikrofinanciare (IMF) të cilat veprimtarin e tyre e kanë ushtruar me donacione, përfundimisht nuk do të munden që kapitalin e tyre ta shfrytëzojnë për t’u shndërruar në banka apo Shoqëri Aksionare.

Gjykata Kushtetuese e Kosovës ka shpallur të pavlefshme nenet 90, 95 (1.6), 110, 111 dhe 116, të Ligjit për Bankat, Institucionet Mikrofinanciare dhe Institucionet Financiare Jobankare. Çështja ishte dërguar në gjykatë nga Institucioni i Avokatit të Popullit, e përkrahur edhe nga Shoqëria Civile.

Gjykata Kushtetuese në vendimin e saj, pesë nenet kontestuese vlerëson se nuk janë në përputhje më nenin 10 (Ekonomia), me nenin 44 (Liria e Asociimit) dhe me nenin 46 (Mbrojtja e Pronës) të Kushtetutës së Republikës së Kosovës (Tribuna).