Fahrush Azemi vazhdon të mobilizoj shtabet zgjedhore në Viti

Gjilan – Fahrush Azemi këngëtar i njohur dhe arkitekt i specializuar në fushën e Dizajnit Urban, ka mobilizuar të gjitha shtabet zgjedhore në Viti, duke kërkuar prej tyre që të përkrahin kuadrot e reja për deputetët e ardhshëm nga radhët e PDK-së. Unë bashkëjetoj me problemet e juaja dhe ju premtoj se do të jem zëri dhe fuqia e juaj në të gjitha instancat vendimmarrëse ka thënë Azemi, në takim bashkëbisedimi me shtabet zgjedhore të PDK-së në Viti.

Fahrush Azemi ka zgjedhur një koncept të hapur me qytetar për të kërkuar besimin e tyre për të qenë pjesë e legjislaturës së ardhshme parlamentare.

Azemi i cili ka një autoritet të madh në Viti për shkak të rolit të tij si këngëtar që ka vlera e cilësi, ka nisur kampanjën e tij duke vizituar dhe njëkohësisht edhe ngjallur degën e PDK-së në Viti dhe shtabet zgjedhore.

Azemi i cili është edhe me master të kryer në fushën e arkitekturës, dizajni urban – planifikim thotë për rajonipress se po gjen një përkrahje të fuqishme nga bashkëvendësit e tij. “Unë do të jem në teren çdo ditë dhe do i dëgjojë hallet dhe preokupimet e tyre dhe më mbetet mua pastaj që të jemi zëri i tyre dhe fuqia e tyre për të zgjidhur problemet jetike në instancat vendimmarrëse” thotë Azemi.

Fahrush Azemi ka takuar shtabet zgjedhore të PDK-së në Viti duke kërkuar prej tyre që të përkrahin kuadrot e reja sepse vetëm kështu mund të fuqizohet PDK në Viti e Anamoravë.

”Jam i bindur se PDK në Viti ka shumë elektorat besnik, por ata duhet të vizitohen dhe të punohet me ta në teren sepse janë vërtet aktivist të mrekullueshëm të cilët e duan ndryshimin” u shpreh Azemi./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).