Fadil (Avdush) Isufi doktoron në shkencat e sigurisë
RajoniPress
06:59, 5 Mars, 2024
Gjilan – Në Fakultetin e Sigurisë në Shkup, Fadil Isufi në pranin e komisionit 5 anëtarësh të udhëhequr nga Zh. Daskallovski, mbrojti me sukses temën e disertacionit “Ndikimi i pandemisë Covid-19 në sigurinë kombëtare të Republikës së Serbisë me aspekte krahasuese të vendeve fqinje”.
Pas prezantimit, Komisioni e shpalli Fadil Isufin me titullin akademik Doktor i Shkencave të Sigurisë.
Fakulteti i Sigurisë në Shkup është një ndër Fakultet e para në ish-Jugosllavi që merrej me edukimin e zyrtarëve civilë në lëmin e sigurisë.
Në vitin 2019, shtëpia botuese LAMBERT Academic Publishing, botoi librin e Fadil Isufit që ka të bëj me çështjen e refugjatëve dhe reformat në institucionet e sigurisë. Libri është përkthyer në më shumë se 10 gjuhë botërore dhe ofrohet për shitje online në platformën Amazon në https://www.amazon.com/Security-Refugees-Migrants-Protection-Children/dp/6200318026
Dr. Fadil Isufi karrierën profesionale e zhvillon me organizata të ndryshme ndërkombëtare. Në Gjilan ka zbatuar dy projekte të UNDP-së, njëri që trajtonte dhunën në familje dhe tjetri korrupsionin./rajonipress/
