“Ezeli” ndahet nga e dashura

Aktori i famshëm turk, Kenan Imirzalıoglu, i njohur për publikun shqiptar në rolin e Ezelit, ka lënë pas një tjetër histori dashurie. Aktori dhe modelja 27-vjeçare nuk janë më bashkë, pavarësisht se u përfol se ata ishin në pritje të një fëmije.

Në telenovela, historia e dashurisë përfundon me një fund të hidhur, e mesa duket e njëjta histori e ka ndjekur dhe në jetën reale të ashtëquajturin Ezel. Pas një romance me të dashurën e tij, ku një muaj më parë ndodheshin me pushime, duket se ka ardhur dhe ndarja mes tyre.

Ndonëse ende nuk dihet se çfarë ka ndodhur mes çiftit, kjo krisje mes tyre ka qenë e papritur, pasi vetë para pak kohësh fotot e tyre kanë qenë në krye të revistave rozë.

Bukuroshja 27-vjeçare teksa u pyet nga një gazetar se nëse vazhdonte romanca mes saj dhe Kenanit, ajo u përgjigj thjesht me një “jo”. Kujtojmë këtu se një muaj më parë, çifti u fotografua teksa pushonin në plazhet e bukura të Bodrumit. /albeu/