EVSB e Vitisë e mbyll me sukses fundvitin 2019

Viti – Vitin që po e lëmë pas ishte viti më i suksesshëm për EVSB-në. Koordinatori i EVSB-së, thotë se është tejet i lumtur me të arriturat për vitin 20019, dhe shpreson që EVSB, në vitin 2020, të arri të realizoj edhe shumë projekte tjera, të cilat kanë të bëjnë me zvogëlimin e krimit, dhe sigurinë e qytetarëve Vitias.

“Është një vit më i suksesshëm, më i suksesshmi për EVSB-në, jo vetëm për të gjitha rezultatet e projekteve, por për organizime të shumta të takimeve, të tryezave e trajnimeve që kanë të bëjnë me dukurit negative etj. Të gjitha kanë pasur një organizim dhe rezultat të jashtëzakonshëm” thotë Emërllahu.

Emërllahu tha se të gjitha projektet e bëra gjatë vitit që po e lëmë pas, janë realizuar si rezultat i një bashkëpunimi të mirë me PK-në, dhe Institucionet Komunale të Vitisë. “Jam krenar që i prijë këtij Ekipi Veprues për Siguri në Bashkësi, në Komunën e Vitisë. EVSB, po e përmbyll fundvitin me projektin e fundit, kundër përdorimit të mjeteve piroteknike, fishekzjarrëve” tha ai.

Me këtë rast EVSB, edhe njëherë fton qytetarët që të jenë afër fëmijëve të tyre, dhe mos t`i lejojnë të përdorin fishekzjarrë.

Edhe Policia e Kosovës(PK), sigurisht se ka planifikuar masat me qëllim krijimin e një mjedisi të sigurt për gjithë qytetarët tanë.

Në ndërrimin e viteve, EVSB, u kërkon qytetarëve të jenë të kujdesshëm në përdorimin e fishekzjarrëve, duke evituar përdorimin e tyre nga fëmijët. Hedhja e fishekzjarrëve të bëhet në mënyrë të kontrolluar në sheshet ku ato ndizen në natën e ndërrimit të viteve.

Emërllahu, falënderon të gjithë mbështetësit pa dallim si: MPB/DSB, PK, ICITAP-in, dhe gjithë mekanizmat tjerë, për përkrahjen dhe mbështetjen e vazhdueshme dhënë EVSB-ve thuhet në njoftimin e koordinatorit të EVSB-së, për Komunën e Vitisë, Imri Emërllahu./rajonipress/