EVSB dhe policia e Kosovës me apel për festat e fundvitit: Mos përdorni armë dhe fishekzjarr

Viti – EVSB dhe Policia e Kosovës duke u bazuar në angazhimet dhe planifikimet e saja, vlerëson se situata e sigurisë në Komunën e Vitisë, është e qetë dhe stabile. Ekipi Veprues për Siguri në Bashkësi, dhe Policia e Kosovës, apelojnë qytetarët të mos përdorin armët e zjarrit, fishekzjarrët, dhe mjetet e t’jera piroteknike gjatë festave të fundvitit, konkretisht gjatë natës së vitit të ri.

EVSB dhe PK, thonë se do të pasojnë sanksione për ata qytetarë që kapen duke festuar në këtë mënyrë, që cilësohet e rrezikshme për njeriun.

EVSB dhe PK, gjithashtu kërkon nga qytetarët të kenë kujdes në trafik, të mbajnë pajisjet dimërore dhe të mos drejtojnë automjetet nën ndikimin e alkoolit.

EVSB dhe PK, me theks të veçantë apelojnë te çdo prind që të jenë më të kujdesshëm dhe më vigjilent në parandalimin e përdorimit të mjeteve piroteknike nga fëmijët, me qëllim të shmangies së rrezikut që mundë të shkaktojnë mjetet plasëse, fishekzjarrët ku si pasojë e mospërdorimit adekuat të tyre, vite më parë janë evidentuar incidente me pasoja të ndryshme.
Apelohet për respektim të masave anti covid:
•Mbajtja e distancës.
•Vendosja e maskës.
•Mbajtja e higjienës.
▪EVSB & PK, ua uron të gjithë qytetarëve të Komunës së Vitisë, festat e fundvitit.
Koordinatori i EVSB-së, për Komunën e Vitisë thuhet në njoftimin e Imri Emërllahut./rajonipress/

Shpërndaje.
© RAJONIPRESS