Everton i bën ofertë Adnan Januzajt, ai mund të kthehet në Ligën Premier
RajoniPress
09:54, 21 Korrik, 2022
Evertoni thuhet se ka bërë ofertë për të nënshkruar me ish- lojtarin e Manchester United, Adnan Januzaj.
Sipas lajmeve nga Spanja, West Ham dhe Everton kanë bërë oferta për 27-vjeçarin, i cili është lojtar i lirë pas largimit nga Real Sociedad.
Lojtari shqiptar aktualisht po stërvitet në Malaga pasi synon të gjejë një klub të ri dhe shpreson që të jetë pjesë e skuadrës së Belgjikës së Roberto Martinez për Kupën e Botës këtë vit.
Evrtoni do të përballen gjithashtu me konkurrencë nga Napoli dhe Sevilla, që po ashtu e duan Januzajn në skuadrat e tyre.
Januzaj karrierën e ka nisur te Manchester United gati 10 vjet më parë.
Gjatë kohës së tij te Real Sociedad, ai ka bërë gjithsej 166 paraqitje, duke kontribuar 23 gola dhe 21 asistime. /Telegrafi/
