Euro, dollarë, franga e lira turke: Policia jep detaje për aksionin ku u arrestuan 12 zyrtarë
RajoniPress
10:50, 25 Shkurt, 2021
Policia e Kosovë ka dhënë detaje të tjera për arrestimin e 12 zyrtarëve të Agjencisë për Zhvillimin e Bujqësisë, me ç’rast janë sekuestruar mbi 400 mijë euro.
12 të të arrestuarit dyshohen për keqpërdorim të pozitës zyrtare, marrje dhe dhënie ryshfeti.
IndeksOnline vazhdimisht ka raportuar ekskluzivisht lidhur me aksionin në fjalë.
Në raportin 24-orësh të policisë thuhet se aksioni u zhvillua në disa qytete të Kosovës.
Raporti i Policisë:
KEQPËRDORIM I POZITËS ZYRTARE & MARRJE-DHËNE RYSHFETI
Prishtinë, Istog, Gjilan, Lipjan 18.02.2021 – 13:00. Më 24.02.2021 hetuesit policor nga Drejtoria për hetimin e krimeve ekonomike dhe korrupsionit në bashkëpunim me Prokurorinë Themelore në Prishtinë, gjatë një aksioni “Subvensioni 2021”, kanë arrestuar 12 (dymbëdhjetë) persona, nën dyshimin se ata kanë kryer veprën e sipëcekur. Në bazë të provave janë bërë bastisje në disa zyra dhe vendbanime të personave ku janë konfiskuar: 433,160.00 (katërqind e tridhjetë e tre mijë e njëqind e gjashtëdhjetë) euro, 600 (gjashtëqind) dollarë, 200 (dyqind) franga, 275 (dyqind e shtatëdhjetë e pesë) lira turke, 15 (pesëmbëdhjetë) telefona, 8 (tetë) vetura, 1 (një) kompjuter, 5 (pesë) armë, 1 (një) USB dhe 1 (një) vulë. Me urdhër të prokurorit njëmbëdhjetë zyrtarët e arrestuar janë dërguar në mbajtjes 48 orë, ndërsa njëri nga ta është liruar në procedurë të rregullt. Rasti është duke u hetuar.
