EULEX -it i vazhdohet mandati, miratohet themelimi i Gjykatës Speciale

89 deputetë i kanë dhënë përkrahje vazhdimit të misionit të EULEX’it dhe per themelimin e Gjykates Speciale. Vetëm 22 kanë votuar kundër dhe dy të tjerë kanë abstenuar.

Në këtë formë, EULEX’i do të vazhdojë prezencën në Kosovë, në kuadër të ligjeve të Kosovës dhe marrëveshjes me BE’në.

Sidoqoftë, Ministri i Drejtësisë, Hajredin Kuçi është duke sqaruar ndryshimet e projekligjeve që kanë lidhje me themelimin e Gjykatës Speciale e cila do të merret me dënimin e krimeve të luftës.

———————————————————–
Partia e Hashim Thaçit, Isa Mustafës, Ramush Haradinajt dhe ajo e Behgjet Pacollit i kanë thënë po themelimit të Gjykatës Speciale. Ndërsa, Vetëvendosje ka dalë kundër themelimit të Gjykatës.

Shefat e Grupeve Parlamentare të PDK’së dhe LDK’së i kanë dhënë mbështetje themelimit të Gjykatës Speciale për t’i dënuar krimet e supozuara të UÇK’së.

Adem Grabovci i PDK’së ka thënë se pavarësisht se Gjykata është e padrejtë deputetët e PDK’së do të votojnë pro themelimit të saj.

E, Ismet Beqiri i LDK’së ka thënë se lufta e UÇK’së ka qenë e drejtë, por se Gjykata duhet të themelohet për t’i hequr të gjitha dyshimet se ka pasur krime gjatë luftës.

Ai ka thënë se deputetët e LDK’së do të votojnë pro themelimit të Gjykatës./express/