EULEX-i lë në rrugë 200 punëtorë

Misioni i Bashkimit Evropian për sundimin e ligjit, EULEX, ka larguar nga puna rreth 200 punëtorë kosovarë, sipas një procesi, që ky mision ka vlerësuar objektiv. Mirëpo të larguarit nga puna, thonë se u është bërë padrejtësi pasi që nuk janë marrë për bazë kriteret të cilat i kanë proklamuar vazhdimisht zyrtarët e këtij misioni.

Për këtë çështje gazeta ka kërkuar sqarime nga zëdhënësja e EULEX-it, Dragana Nikoliç- Solomon, dhe nga Zyra për Informim e EULEX-it, mirëpo pavarësisht përpjekjeve të gazetës për të marrë sqarime, një gjë e tillë ka qenë e pamundur./zeri/