Eskalon situata: Sulmohen policët me gurë, thyhen xhamat e Stacionit policor

Aktivistët e Lëvizjes Vetëvendosje, kanë hedhur gur në drejtim të Policisë.Gazetari i Telegrafit thotë se Policia po ballafaqohet me protestuesit, duke hedhur sprej për t’i larguar. Protestuesit vazhdojnë të hedhin gurë nga të cilat janë thyer disa xhama të Stacionit.

Rruga është bllokuar për qarkullim. Protestuesit hedhin madje tulla, ndërsa dyshohet se ka policë të lëndua.

Për të shpërndarë masën, Policia ka hedhur gazë lotsjellës.

Protestuesit janë duke i përdorur kontejnerët e mbeturinave si mburojë për të penguar kalimin e Policisë në drejtim të tyre. Disa prej këtyre kontejnerëve u është vënë flaka.

Njësia Speciale ka marrë kontrollin tek dera e Stacionit të Policisë ku edhe janë mbledhur aktivistë e politikanë.

Gazetari i Telegrafit thotë se forcat policore po vijnë edhe nga drejtimi i ish-Bankës së Lubjanës dhe se mund të ketë të arrestuar tjerë. Protuesit janë drejtuar tek sheshi. /Telegrafi/