Është koha që Familja Saqipi nga Dobrosini të radhitet në rangun me epitetin e familjeve meritore kombëtare

Gjilan – Koha është që Familja Saqipi nga Dobrosini të radhitet në rangun me epitetin e Familjeve meritore Kombëtare siç është Familja Jashari në Kosovë të cilat dhanë jetën për Liri dhe bashkimin e trojeve etnike ka thënë Nexhat Behluli.

Postimi i plotë i Nexhat Behlulit nga RTV Spektri

20 vitet e dhimbjes dhe krenarisë !
– Gjaku i Vëllezërve Saqipi nga fshati Dobrosin i cili në Luginë të Preshevës llogaritet paralele e Prekazit Kosovarë ishte themel i fillimit të Çlirimit edhe të këtyre trojeve etnike.
– Vrasja qyqare e Vëllezërve Saqipi nga forcat paramilitare serbe shërbeu si infuzion i shpërthimit të daljes në skenë të Ushtrisë së Lavdishme #UÇPMB më 26 janar të vitit 2000.
– Koha është që Familja Saqipi nga Dobrosini të radhitet në rangun me epitetin e Familjeve meritore Kombëtare siç është Familja Jashari në Kosovë të cilat dhanë jetën për Liri dhe bashkimin e trojeve etnike.
– Sot në Dobrosin shënohet 20 vjetori i rënies heroike të Vëllezërve Saqipi dhe dalja në skenë e Ushtrisë Çlirimtare për Preshevë, Bujanoc e Medvegjë ka shkruar Nexhat Behluli./rajonipress/