Është arritur marrëveshja për procedurat doganore

Është arritur marrëveshje për procedurat doganore mes Kosovës dhe Serbisë.

Kjo marrëveshje është bërë gjatë dialogut të grupeve punuese të Kosovës dhe Serbisë për implementimin e Marrëveshjes për Menaxhimin e Integruar të Kufijve.

“Marrëveshja është arritur që mallrat mos të doganohen në pikat doganore, por në terminalet në thellësi të territorit”, ka deklaruar shefi i ekipit negociator të Serbisë, Dejan Paviçeviq.

Mallrat që dalin nga Kosova, sipas Paviçeviq, do të doganohen në terminalin e Nishit apo Vranjës, kurse mallrat që hyjnë në Kosovë në terminalin doganor në pjesën jugore të Mitrovicës, raporton tanjug.

Sipas tij, doganierët e EULEX-it, Kosovës dhe Serbisë në kalimet ‘administrative’ do t’i kontrollojnë vetëm dokumentacionet, por jo edhe doganimin e mallrave./Indeksonline/

Shpërndaje.
© RAJONIPRESS