Erzen Rrustemi lufton për titullin kampione bote

Boksieri kosovar, Erzen Rrustemi do të ndeshet me argjentinasin, Victor Emilio Ramires për titullin kampion bote në peshat e rënda.

Boksieri nga Kosova, i cili jeton në Zvicër, Erzen Rrustemi do të luftojë për titullin e kampion bote në peshat e rënda kundër boksierit argjentinas, Victor Emilio Ramires, shkruan albinfo.ch.

Meçi do të zhvillohet më 18 mars. Lajmi është dhënë nga faqja zyrtare e WBF’së, e cila njofton për duelin ndërmjet Rrustemit dhe Ramirezit që do të mbahet në Aarhus të Danimarkës, si dhe është konfirmuar nga boksieri gjilanas për albinfo.ch.

Erzen Rrustemi është i pamposhtur në boksin profesionist me 11 fitore, 9 prej tyre me nokaut, ndërsa Ramirez ka 14 fitore dhe dy humbje.

Kujtojmë se këtë titull në të kaluarën e kishte mbajtur edhe legjenda e boksit botëror, Evander Holyfield.

http://www.albinfo.ch/erzen-rrustemi-lufton-per-titullin-kampione-bote/