Ervin Skela merr pozitë të rëndësishme te skuadra e njohur gjermane

Ervin Skela pritet të marrë drejtimin e ekipit U-19 të Frankfurtit pasi trajneri aktual Damir Agovic është shkarkuar nga kjo detyrë.

Skela ishte zv.trajner te ekipi i U-19 dhe do të marrë drejtimin pas largimit të Agovic.

Oversport mëson se Skela ka folur me drejtuesit dhe ka rënë dakord për këtë pozicion të ri duke bërë një tjetër hap të rëndësishëm në karrierën e tij të re si trajner futbolli.

Me trajnerin Agovic, ekipi i Frankfurtit nuk kaloi një periudhë të mirë. Ata ndodhen në vendin e 13-të në Bundesligën për 19- vjeçarët dhe rrezikojnë rënien nga kategoria.

Deri më tani fitoren më të thellë në kampionat, Frankfurt e ka arritur përballë Feriburg me rezultatin 4-0 dhe në atë kohë në stol ishte Ervin Skela pasi trajneri Agovic ishte i dënuar.

Shpërndaje.
© RAJONIPRESS