Ernest Muçi shënon golin e parë me fanellën e Beshiktashit, goditja nga distanca dhe topi në rrjetë

Ernest Muçi ka arritur të shënojë golin e parë me fanellën e Beshiktashit në Superligën e Turqisë.

Beshiktashi po luan si mysafir i Istanbulspor, ku është duke fituar me rezultat 2-0, ku në pjesën e parë shënoi Semih Kilicsoy.

Me të filluar pjesa e dytë, Ernest Muçi pranoi një top jashtë zone dhe me një goditje të bukur shënoi për 2-0.

Ky ishte goli i tij i parë me gjigantët turq prej se kaloi gjatë afatit kalimtar të janarit nga Legia Varshava.

Muçi ka arritur të zë vend në formacion, ndërsa është kthyer në idhull të tifozëve të Beshiktashit. /Telegrafi/