Ermal Krasniqi zyrtarizohet te Cluji
RajoniPress
11:02, 10 Janar, 2023
Cluji ka njoftuar zyrtarisht këtë të martë për arritjen e marrëveshjes për transferimin e kosovarit, shkruan Gazeta Express.
Klubi rumun përmes njoftimi i ka uruar mirëseardhje Krasniqit, teksa ka shkruar edhe pak prej karrierës së tij.
Megjithatë, Cluji nuk ka zbuluar detajet e marrëveshjes.
Krasniqi në tre sezonet e fundit ishte pjesë e Ballkanit, për të cilin ka bërë 105 paraqitje.
Në fanellën e kampionit të Kosovës, 24-vjeçari shënoi 39 gola dhe dha 17 asistime. Falë formës së mirë, ai u ftua në nëntor të vitit të kaluar nga Kombëtarja A e Kosovës për miqësoret kundër Armenisë dhe Ishujve Faroe.
Bazuar në raportimet nga mediat në Rumani, Krasniqi ka nënshkruar kontratë të vlefshme për katër vite e gjysmë – teksa Ballkani ka përfituar 375 mijë euro nga shitja e tij. /Gazeta Express/
