Ermal Krasniqi asiston në barazimin e Rapidit
RajoniPress
22:37, 4 Mars, 2024
Universitatea Craiova dhe Rapid Bukureshti kanë ndarë pikët në përballjen e vlefshme për javën e 29-të në Liga 1 të Rumanisë.
Ndeshja e luajtur në stadiumin “Ion Oblemenco” përfundoi me rezultatin 1:1, shkruan Gazeta Express.
Për skuadrën nga Craiova realizoi Alexandru Mitrita (30’), kurse për mysafirët nga Bukureshti autor i golit ishte Jakub Hromada (49’).
Asistues te goli i Hromadas ishte Ermal Krasniqi, i cili tani numëron katër asistime në elitën e futbollit rumun, krahas edhe tre golave.
Krasniqi dhe Albion Rrahmani ishin të plotë në këtë takim. Titullar sonte ishte dhe Florent Hasani, i cili luajti për 72 minuta.
Rapid Bukureshti pas këtij barazimi ka 52 pikë dhe vazhdon të jetë i dyti në tabelë.
/Gazeta Express/
