Era e provon veten me baladë

Në tri këngët e para të karrierës së saj, të cilat i publikoi edhe me klip, Era Istrefi është paraqitur si një vajzë shumë energjike dhe shumë ‘trendy’.

Por, ajo mendon që veten e saj ta provojë edhe me një baladë. Duke ju përshtatur stinës së vjeshtës, Era iu shtohet listës së këngëtarëve të cilët në këtë kohë dalin vetëm me balada.

Kënga e saj titullohet ‘13’ dhe pritet që të lansohet shumë shpejt për fansat e saj.

Deri sa të publikohet kjo këngë, Era do të shijojë suksesin e këngës ‘E dehun’ e cila përveç që po vazhdon të dëgjohet ende, është edhe suksesi i saj më i madh deri më tani.