“Epoka e re” festoi 20-vjetorin e themelimit dhe numrin e 6 000 mijë

Gazeta “Epoka e re” ka shënuar të enjten 20-vjetorin e themelimit dhe numrin e 6 000-të të saj. Në ceremoninë festive e cila është mbajtur në ambientet e Fakultetit Filozofik të Universitetit të Prishtinës “Hasan Prishtina” kanë marrë pjesë gazetarë dhe ish-gazetarë të “Epokës së re” të cilët kanë evokuar kujtime që nga themelimi i kësaj gazete.

Fillimisht, të pranishmit i ka përshëndetur botuesi i “Epokës së re”, Muhamet Mavraj.

Ai ka thënë se asnjëherë nuk do ta harrojë kontributin e secilit që ka punuar në gazetën “Epoka e re”.

Më tutje, ai ka theksuar se është i kënaqur kur i sheh gazetarët që kanë punuar në “Epokë…” në ekranet më të forta televizive.

Ndërsa drejtori i gazetës “Epoka e re”, Sadik Zeqiri, ka lexuar dy urime që kanë ardhur në adresë të “Epokës…” për 20-vjetorin e themelimit, nga presidenti i Republikës së Shqipërisë, Ilir Meta dhe lideri i Bashkimit Demokratik për Integrim (BDI), Ali Ahmeti.

Në këtë ceremoni festive kanë folur edhe kryeredaktori i “Epokës së re”, Mal Qorraj, dhe ish-kryeredaktorë e gazetarë të kësaj gazete.

Në fund të kësaj ceremonie “Epoka e re” në shenjë falënderimi ua ka ndarë nga një mirënjohje të gjithë gazetarëve që kanë punuar në këtë medium që nga themelimi e deri më tani.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).