Epidemiologu serb: Në Preshevë dhe Bujanoc situata me COVID-19 është jashtë kontrollit

Epidemiologu i Shtabit Emergjent në Serbi, Branislav Tiodoroviq gjatë qëndrimit në Bujanoc tha se gjendja me coronavirusin në Bujanoc dhe Preshevë është serioze.

“Një pjesë e madhe e gjendjes në Bujanoc dhe Preshevën është jashtë kontrolle sepse nuk ka pasqyrë të qartë të të infektuarve. Ata shpesh shërohen në ordinanca private dhe në Kosovë që i drejtohet sistemit shëndetësorë”, tha mes tjerash Tiodoroviq.

Epidemiologu thotë se numri i deklaruar prej 170 personave të prekur me COVID-19 në Bujanoc nuk është real.

“Numri i vërtetë i të infektuarve me virus nuk është i njohur në Bujanoc dhe Preshevë, dhe ky është problemi më i madh sepse nuk kemi një vlerësim real të situatës”.

Që nga fillimi i epidemisë në komunën e Bujanocit, 12 njerëz kanë vdekur nga coronavirusi, raporton bujanoci.net.

Ditë më parë një mjek shqiptar nga Presheva ka deklaruar për RTV Dukagjinin se shqiptarët e Luginës së Preshëvës të prekur me COVID-19 po kanë frikë të trajtohen në spitalin e Vranjës.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).