Enis Bardhi në 11-shen më të mirë të eliminatoreve të Botërorit

Reprezentuesi shqiptar i Maqedonisë së Veriut, Eni Bardhi, është përfshirë në ekipin ideal të eliminatoreve të Botërorit “Katar 2022” nga ueb faqja për rejting dhe statistika “Who Scores”.

Shkupjani si bartës i lojës, ndihmoi përfaqësuesen e vendit të sigurojë balotazhin në Kampionatin Botëror “Katar 2022”.

Bardhi në këtë cikël eliminator numëron 8 paraqitje për Maqedoninë e Veriut, ndërsa u vlerësua me notën 7.82.

Në mesfushë bashkë me Bardhin janë edhe Stiven Bergejs e Memphis Depay nga Holanda si dhe Dushan Tadiq nga Serbia.

Në sulm, në ekipin ideal janë përfshirë Harry Kane, Robert Lewandowski, ndërkaq në mbrojtje u përzgjodhën Joao Cancelo, Harry Maguire dhe Virgil van Dijk.

Ndryshe tek portierët në ekipin ideal është zgjedhur Buhel nga Lihteshtajni.